Қазақстан Литваның ШОБ саласындағы тәжірибесіне зерттеу жүргізуге мүдделі

«Біз бірлесіп сіздердің шағын және орта бизнес салаларыңыздағы тәжірибелеріңізді зерттей аламыз, осылайша Литвадағы тәжірибені Қазақстан аумағына көшіре аламыз. Қазақстандық компаниялардың Литваның арнайы экономикалық аймақтарына қаражат инвестициялап, ЕО елдеріне одан әрі экспорттаумен «Еуропалық одақта жасалған» атты лейблмен тауарлар өндіруге мүмкіндігі бар»,- деді К. Мәсімов.

Сонымен қатар, ҚР  Премьер-Министрі Литва делегациясының аталмыш сапары олжалы болатынына сенім білдіріп, Литваның Қазақстанның ДСҰ кіруіне қолдау көрсеткені үшін алғыс білдірді.

«Қазақстан ДСҰ кіруді жоспарлап отыр және біз Еуропалық одақ пен Литва еліне Қазақстанға осы мақсатта көрсеткен қолдауы үшін алғыс айтамыз» - деп атап өтті К.Мәсімов Астанадағы екіжақты кездесу барысында.

Индира Кауметова