СҚО-да мектеп бітірушілердің мамандық таңдауларына көмек көрсетілуде

Мектеп оқушыларының тестілеу шарасы Петропавл қаласының гуманитарлық-техникалық колледжінің базасында құрылған кәсіби бейімделу орталығында өтті. Шараның мақсаты – үміткерлерге өз кәсіптерін таңдауға көмектесу. 

«Орталық мамандары тесттер мен әдістерді таңдап, оның нәтижелерін саралайды және сол арқылы үміткерлердің қай салада көбірек жетістікке жетуі мүмкіндігін анықтайды. Егер тестілеу нәтижесінде үміткердің өзінің бағытын дұрыс таңдағаны анықталатын болса, өзге әдістер арқылы оның өзінің мамандығын қаншалықты дұрыс таңдағандығын, ол кәсіптің оған қаншалықты ыңғайлы болатындығын, таңдаған мамандығы бойынша білім алуға оның қабілеті жетеді ма деген сияқты мәселелерді білуге болады»,-деді КП сарапшысы Ирина Торопова.

Кәсіпкерлер палатасы өкілдерінің айтуларынша, кәсіби бейімделу жұмыстарының аясында қаланың білім беру саласының, тұрғындарды жұмыспен қамту орталықтарының өкілдерімен кездесулер ұйымдастырылып,  оның барысында жастар жұмысқа тұру үшін қандай талаптар қойылатындығы, жұмысқа орналасу барысында қандай кәсіптерге ерекше сұраныс болып отырғандығы жөніндегі мәселелер бойынша кең ауқымды ақпараттар алады.   

Кешенді тексеруге барлығы Петропавл қаласының 32 мектебі мен гимназия оқушылары қатысты.