Астанада Қостанай облысының күндері өтеді
13 Қазан, 2013 11:08
Астанада 14-20 қазан аралығында Қостанай облысының күндері өтеді, деп елорданың мәдениет басқармасының баспасөз қызметі хабарлады.
«Қостанай облысының күндерін өткізу астана халқы мен қонақтарының қызығушылығын арттыруға бағытталып отыр. Бұл күндері көрмелер, мәдени-әдеби кештер мен концерттер ұйымдастырылады», - деп хабарламада нақтыланған.
Кішкентай астаналықтар үшін 18 қазан күні «Арнайы мектеп-интернаты» ҚБ «Қажет болу керек» деген қуыршақтық қойылым өткізеді. Оған қоса 19 қазан Қ. Қуанышбаев атындағы қазақ музыка-драма театрында «Боздаған бойдақтар» атты қойылым қойылады.
Қостанай облысының күндерін халықтық ауыл шаруашылық жәрмеңкесі аяқтайды. Ол 19-20 күндері өтеді.
