ҚР ҚМ ОАСК капитаны Ольга Рыпакова Рио-де-Жанейрода өтетін Олимпиадаға жолдама жеңіп алды

Оның осынау жарыстағы сәтті жеңісі Рио-де-Жанейро Олимпиадасына жолдама алуына мүмкіндік берді. Ольга Рыпакова өзінің спорттық карьерасында үшінші рет әлемдік додаға қатысатын болады.

Бұған дейін спортшы 2008 жылы Пекин олимпидасына қатысса, 2012 жылы Лондон олимпиадасында алтын медальді иеленіп, Олимпиада чемпионы атанды. Халықаралық жарыстарда биіктен көрініп жүрген талантты спортшы Қазақстанның және еліміздің Қарулы Күштерінің атын шығаруда. Оның жеңістері әскери қызметшілер мен жастардың спортпен айналысуға деген қызығушылығын тудырып, ынталандырады.

Атап айтқанда, ҚР ҚМ Орталық армия спорт клубының Щучинскідегі оқу-жаттығу орталығында әскери-қолданбалы спорт түрлерінен Қазақстан чемпионаты өтті. Онда еліміздің түрлі өңірлерінен келген  әскер жасына дейінгі 60 жасөспірім 5 команда құрамында әскери кросс, эстафета және нормативті дене даярлығы бойынша сайысқа түсті.

Нәтижесінде бірінші орынды Ақмола облысының командасы, екінші жүлделі орынды Ақтөбе облысы, үшінші орынды Шығыс Қазақстан облысының жас спортшылары жеңіп алды. Жастар осынау жарысқа қатыса отырып, алдағы уақытта армия спортында үлкен жетістіктерге жетуге ниетті екендіктерін атады.