Құқықбұзушылыққа төзбеу Қазақстанның құқық қорғау жүйесіндегі маңызды мәселелердің бірі

«Қазақстандағы проблемалық мәселелердің бірі құқықбұзушылыққа төзбеушілік. Бұл бүгін көтеріліп отырған мәселе емес, ол он жылдан астам уақыттын бері талқыланып келеді. Мемлекет басшысы да бұл мәселені бірнеше мәрте көтерген. Бірыңғай қылмыстық-процессуалды кодекстің қабылдануына байланысты елде сотқа дейінгі тергеулердің бірыңғай реестрі бекітілді»,-деді Р.Сәрпеков.

Оның сөзінше, жоспарланып отырған муниципалды полиция құқықбұзушылыққа төзбеу мәселесін шешуге ықпал етеді.

З.Балиеваның айтуынша, бұл мәселе бірқатар заңдарда қызу талқылануда. «Дегенмен, егер азаматтар немқұрайлы қарайтын болса, бірде-бір заң жұмыс істемейді. Мұндай жағдайлардың бар екендігі қазір баршаға аян.  Бұл ретте жақсы бір заң шығарып, жауапқа тарту мәселесін де ойластыруға болады. Бұл жүйелі жұмыс, мемлекеттік органдар заңнама негізінде жұмыс істеулері керек, азаматтарға көмек көрсету үшін барлық құқық қорғау органдары нығайтылулары қажет. Өз кезегінде тұрғындардың да белсенділік танытқандары дұрыс»,-деді депутат.

Ботагөз Айтжанова