А.Буткявичюс: Қазақстан – Литваның Орталық Азиядағы маңызды серіктесі

19 Мамыр, 2015 12:19

Қазақстан Премьер-Министрі Кәрім Мәсімов пен Литваның Үкімет басшысы Альгирдас Буткявичюс Астанадағы Қазақстан-Литва бизнес форумы қарсаңында екіжақты кездесу өткізді. Тараптар екі ел арасындағы ынтымақтастықтың негізгі мәселелерін талқылады.

«Қазақстан - Литваның Орталық Азиядағы маңызды серіктесі. Бізді жақсы саяси және экономикалық, мәдени қарым-қатынас байланыстырады. Меніңше, жақсы серіктестіктің негізі – сауда-экономикалық саладағы Қазақстан тұлғасындағы үкіметаралық комиссия, жыл сайын комиссия біздің елдер арасында экономикалық ынтымақтастық саласында маңызды рөл атқарады», - деді Альгирдас Буткявичюс.

Литваның Премьер-министрі қазақстандықтарды осы жылға түскен мерейлік мерекелермен құттықтады.

«Бұл сәтті пайдаланып, мен маңызды даталармен құттықтағым келеді. Бұл ҚР Конституциясының 20 жылдығы, ҚХА 20- жылдығы, Қазақ хандығының 550 жылдығы. Менің жылы ықыласым мен лебізімді қабыл алғайсыздар. Сіздердің елге барық жақсылықты тілеймін. Біз талқылаған жоспарлардың жүзеге асырылуына тілектеспіз. ҚР қайта сайланған Президенті ел үшін өте маңызды мақсаттарды бекітті, Үкімет пен мемлекеттік құрылымдар стратегиялық жоспарлар мен «Нұрлы жол» жаңа саяси бағдарламаны жүзеге асыру керектігін түсінемін», - деді ол.

Өз кезегінде Қазақстан Премьер-Министрі Литва тарапынан делегацияның келуі екі ел арасындағы ынтымақтастықты кеңейтеді.

«Сіздердің сапар мен делегация сапары біздің елдер арасындағы қарым-қатынасты одан әрі тереңдете түседі деп ойлаймыз», - деді ол.

Индира Кауметова