Ертістің Павлодары көрмесінде бірегей бас киім үлгісі бокка ұсынылды (ВИДЕО)

19 Мамыр, 2015 20:23

«Ертістің Павлодар өңірі тарих толқынында» көрмесінде бірегей бас киім үлгісі бокка ұсынылды, деп хабарлады Павлодар облысы Г. Н. Потанин атандағы тарихи-өлкетану мұражайының директоры Гүлнар Нұрахметова «Strategy2050.kz» АА берген сұхбатында.

«Көрмеге Павлодар облысының тарихи-өлкетану мұражайының, сурет және әдебиет музейлерінің экспонаттары қойылған. Біз тарихты көне дәуірден бүгінгі күнге дейін ұсынып отырмыз. Ұлттық мүзейде өтіп жатқан көрмеміз Астана қаласының тұрғындары мен қонақтарының көңілінен шығады деген ойдамыз. Себебі Ертістің Павлодар өңірінің тарихы мен мәдениеті бай. Біз аймақтың тарихын оның бір туар перзенттері Қаныш Сатпаев, Алькей Марғұлан және сол сияқты өзгеде тарландары арқылы таныстыруды жөн көрдік. Олар біздің аймақтың мақтанышы, сондықтанда мұнда олардың жеке пайдаланған заттары, құжаттық және архивтік қор ұсынылған», - деді ол.

Оның айтуынша, көрмеде 400 астам экспонатттар қойылған. Олардың ішінде ерекше көзге түсетіні бірегей бас киім үлгісі бокка, ол еліміз бойынша жалғыз үлгі.

«Тек біздің мүзейде ғана әлемде жоқ бірегей палеонтологиялық ескерткіштер қойылған. Бізде Қазақстанда баламасы жоқ бір экспонат бар. Ол біздің музейдің мақтанышы – бірегей бас киім үлгісі бокка, ол 13–14 ғасырларда жасалған. Бокка таза күмістен жасалған, ол қимақ-қыпшақ заманына жатады», - деп толықтырды ол.

ҚР Ұлттық музейіндегі «Ертістің Павлодар өңірі тарих толқынында» көрмесі екі ай бойы қойылатын болады.

Анар Тәңірқұлова