650 маман Астанада өтетін Түрік әлемінің трансплантология қауымдастығының І Конгресіне қатысады

19 Мамыр, 2015 11:38

Осы жылдың 20-22 мамырында Астана қаласында «Трансплантациядағы заңнама қызметі және оларды қорғау, ағзаларды донорлау» тақырыбында "Ұлттық ғылыми медициналық орталығы" АҚ-ы Түрік әлемінің трансплантологтарының қауымдастығы және Қазақстан Республикасының Неврологтар қауымдастығымен бірлесе ұйымдастыруымен Түрік әлемінің трансплантология қауымдастығының І Конгресі өтеді.

Конгреске қатысу мақсатында Астанаға әлемнің 30 елінен 350-ге жуық трансплантология саласындағы жетекші мамандар келеді. Қадірменді қонақтардың арасында Түрік әлемінің трансплантология қауымдастығының негізін қалаушы және президенті, медицина ғылымдарының докторы Мехмет Хаберли мен Кувейт, Иордания, Ұлыбритания, Египет, Иран, Аустралия, Сауд Арабиясы елдерінің жетекші трансплантолог мамандары болады.

«Конгресс аясында трансплантология саласындағы аспектілер - этика және заңнама, донорлық, трансплантология қызметін ұйымдастыру және үйлестіру, ағзаларды ауыстыру, иммуносупрессивтік терапия мәселелері талқыланады», - делінген хабарламада.

Сонымен қатар, жасы үлкен пациенттер мен балаларға бауыр мен бүйректі ауыстыруға байланысты қиын оталарды өткізу бойынша шеберлік кластары өткізіледі.

Барлық жаңалықтар