• Басты
  • БҒМ осы жылдың 10 тамызында оқулықтармен қамтуға кепілдік беріп отыр – А.Сәрінжіпов

БҒМ осы жылдың 10 тамызында оқулықтармен қамтуға кепілдік беріп отыр – А.Сәрінжіпов

18 Мамыр, 2015 17:48
2015 жылы 4,5,6 және 11 сыныптарының оқулықтары сатып алынады. Осы жылы 1,7 және 8 сыныптардың оқулықтарына талдау жасалуда, олар 2016 жылдың қыркүйегінде оқу жылына енгізілетін өзгертулер, деді Білім және ғылым министрі Аслан Сәрінжіпов Мәжіліс Төрағасының орынбасары Дариға Назарбаеваның жетекшілігінде өткен кезекті «Оқулықтардың сапасы және жалпы орта, техникалық және кәсіптік білім беру ұйымдарын оқулықтармен қамтамасыз ету туралы» Үкімет сағатында.

Бүгінде жалпы кәсіптік және арнаулы пәндер бойынша оқулықтармен қамтамасыз етілуі бойынша техникалық және кәсіптік білім беру ұйымдарының кітапханалық қорлары шетел оқулықтарын бейімдеуді, сонымен қатар электрондық ресурстарды ескере келе 100 % қамтамасыз етілген. Бірақ осы тұрғыда да бірқатар мәселер бар.

"Оқу басылымдарының мазмұны мен құрылымына қойылатын талаптардың өзгеруіне байланысты тиісті біліктілігі бар авторлар мен сарапшылардың жетіспеушілігі, мектепке арналған оқу әдебиеттері авторлары құрамының қартаюы байқалады.Оқу басылымдарының авторлары мен сарапшыларына арналған біліктілікті арттыру бойынша оқыту курстарын өткізу ұсынылады. Мұндай жұмыстар бүгінде жүргізіліп жатыр. Жетекші шетелдік мамандарды тарту арқылы авторлар мен сарапшылардың біліктілігін арттыру жұмысы басталды", - делінген хабарламада.

Қазақстан Республикасында білім беруді дамытудың 2011 - 2020 жылдарға арналған мемлекеттік бағдарламасын жүзеге асырудың іс-шаралар жоспарына сәйкес бүгінде техникалық және кәсіптік білім берудің 13 бейіні бойынша оқулықтардың мазмұны жаңартылды.

Ведомство басшысы атап өткендей, министрлік жергілікті органдармен бірігіп, мектеп және кәсіптік-техникалық ұйымдарды  оқулықтар мен оқыту-әдістемелік кешенмен осы жылдың 10 тамызына дейін  қамтамасыз етеді.

Барлық жаңалықтар