• Главная
  • ҚР ҚК арнайы бөлімшелерінің қызметшісі жауынгерлік іс-қимылды жүргізу тактикасын меңгеруде
18 мая, 2015 16:24

ҚР ҚК арнайы бөлімшелерінің қызметшісі жауынгерлік іс-қимылды жүргізу тактикасын меңгеруде

ҚР ҚК Құрлық әскерлерінің арнайы бөлімшелерінен 100-ден аса әскери қызметші таулы жерлерде жауынгерлік іс-қимылды жүргізу тактикасын меңгеруде, деп хабарлады Қорғаныс министрлігі.
ҚР ҚК арнайы бөлімшелерінің қызметшісі жауынгерлік іс-қимылды жүргізу тактикасын меңгеруде

Осы мақсатта Алматыдағы ҚР ҚМ Армияның орталық спорт клубының «Тұйық-су» таулы оқу-жаттығу орталығының базасында лагерлік жиын өрістетілді. Екі апта ішінде әскери қызметшілер таулы шыңға шығуды, таулы аймақта техникамен жүру арқылы Іле Алатауының мұз бен қар басқан күрделі жерлерімен ұрысуды игерді.

Арнайы мақсаттағы әскерилерге таулы жерлерде даярлықты жүргізуге ҚР ҚМ АОСК армияның тәжірибелі спортшыларынан құралған арнайы мақсаттағы командасы нұсқаушылық етеді. Команданың бастығы аға лейтенант Мақсұт Жұмаев аталған жиындар жауынгерлердің машықтанған дағдысын қалыптастырып, арнайы бөлімшелермен тәжірибе алмасу үшін маңызды деп атады. Әскери қызметшілер жиынның барлық уақытын далалық жағдайда өткізеді.

Осыған орай таулы оқу-жаттығу аймағында шатырлы лагерь құрылды. Оқу-жаттығудың соңында олар емтихандар мен сынақтар тапсырады. Тексеру нәтижелері – бұл арнайы мақсаттағы бөлімшелердің таулы жерлерде және күрделі ауа-райында жауынгерлік іс-қимылды жүргізуде даярлық деңгейін көрсетеді.