Қазақстандық 12 спортменеджер Ұлыбритания мен Ресейде іс-тәжірибеден өтеді
«Биыл бірінші рет Агенттіктің толықтай өтініші бойынша «Болашақ» ҚР Президенті халықаралық стипендиясы шеңберінде 12 бапкерден құралған топ және Қазақстанның әр өңірінің спорт менеджерлері Сочидегі халықаралық университет базасында Ұлыбритания мен Ресейде іс-тәжірибеден өтеді»,- делінген хабарламада.
Бүгінде республика көлемінде 16 аймақтық Жоғарғы спорт шеберлігінің мектебі жұмыс істеп тұр. Онда 61 спорт түрінен дайындық өткізіледі. Ағымдағы жылдың басында аймақтағы ЖСШМ топтарының жалпы саны 3 153 шәкіртті құраған.
«Алда келе жатқан 2014 жылғы Сочидегі 22-інші қысқы Олимпиада ойындары мен Алматыда 2017 жылғы әлемдік қысқы Универсиаданың өткізілуі ҚР-да негізгі қысқы спорт түрлерінің дамытуын талап етеді», - деді Дене шынықтыру және спорт Агенттігінің төраға орынбасары Е.Қанағатов Дене шынықтыру және спорт Агенттігі әріптестерінің сыртқы отырысында.
Жоғарғы дәрежелі спортшылардың дайындығы жайлы айта келіп, Е.Қанағатов республикамызда 418 ЖСШМ бар екенін, онда 265 мың жас пен жасөспірімдер шұғылданатынын мәлімдеді. Жыл сайын спорттың әр түріндегі ұлттық құрамада ЖСШМ өкілдері саны артып келе жатқанын тілге тиек етті.
