• Басты
  • Семейде ҰОС ардагерлеріне «Қаланың құрметті азаматы» атағы беріледі
18 Мамыр, 2015 12:33

Семейде ҰОС ардагерлеріне «Қаланың құрметті азаматы» атағы беріледі

Семей қалалық мәслихатының кезектен тыс сессиясында депутаттар Семей қаласының үш Ұлы Отан соғысының ардагеріне «Семей қаласының құрметті азаматы» атағын беру мәселесін қарады, деп хабарлайды Шығыс Қазақстан облыстық ішкі саясат басқармасы.
Семейде ҰОС ардагерлеріне «Қаланың құрметті азаматы» атағы беріледі

Депутаттар «Семей қаласының құрметті азаматы» атағына ұсынылған азаматтардың барлығының кандидатураларын бірауыздан қолдады. Олардың бірі Тұяқбай Алпысов Кавказ бен Екінші, үшінші Украина майдандарында соғысқан және Венгрия, Румыния, Чехословакия, Югославия, Кавказ бен Болгарияны азат еткен. Ұлы Отан соғысы ордені мен «Әскери қызметі үшін», «Кавказды қорғағаны үшін», «Германияны жеңгені үшін» медальдарының иегері.       

Ал Ұлы Отан соғысы орденінің, «Еңбек ардагері» мен адмирал Нахимов медальдарының иегері Кәмкетай Баиыров 1943 жылы өз еркімен майданға аттанып, Балтық майданы мен Ленинград блокадасында болған. Соғыстан соң «Ахтуба» кемесінің командасында қызмет етті.   

Надежде Горбачева өз еркімен майданға аттанып, Украина майданындағы ұрыстарға қатысқан. Телеграфист болып қызмет еткен ол ұрыс далаларында байланысты бірде-бір рет тоқтатқан емес. Осы еңбегі үшін ол Ұлы Отан соғысы ордені мен «Жауынгерлік қызметі үшін», «Германияны жеңгені» үшін медальдарының иегері атанды.   

ШҚО ішкі саясат басқармасының хабарлауынша, сессияда депутат Рафаил Хазиповтан үш ардагерге де «Семей қаласының құрметті азаматы» атағын беру туралы ұсыныс түсті. Депутаттар сонымен қатар, ардагерлердің арасында аз қамтылған отбасылардың қатарынан жататын азаматтардың барлығына байланысты ҰОС ардагерлерінің тұрғын үй мәселелерін шешу үшін арнайы комиссия құру қажет деп шешті.

 

Барлық жаңалықтар