• Басты
  • Қазақстан халқының саны сәуірдің 1-індегі жағдай бойынша 17 476,1 мың адамды құрады
18 Мамыр, 2015 19:08

Қазақстан халқының саны сәуірдің 1-індегі жағдай бойынша 17 476,1 мың адамды құрады

2015 жылы 1 сәуірге еліміздегі халық саны 17 476,1 мың адамды құрады, соның ішінде қалалықтар – 9 916,6 мың (56,7%), ауылдықтар – 7 559,6 мың адамды (43,3%) құрады, деп хабарлады ҰЭМ Статистика комитеті.
Қазақстан халқының саны сәуірдің 1-індегі жағдай бойынша 17 476,1 мың адамды құрады

2014 жылғы 1 сәуірмен салыстырғанда халық саны 255 мың адамға немесе 1,48% өсті.

АХАТ органдары ұсынған азаматтық хал актілері жазбаларындағы мәліметтерді өңдеу нәтижесінде, 2015ж. қаңтар-наурызда туылғандар саны 92,1 (92,8)  мың адамды құрап, 2014 жылғы қаңтар-наурызға қарағанда 0,8% кеміді. Туудың жалпы коэффициенті 1000 адамға 21,31 (21,78) туылғандарды құрады.

Қарастырылып отырған кезеңде қайтыс болғандар саны 33,3 (33,3) мың адамды құрады, бұл 2014ж. қаңтар-наурызда қайтыс болғандардың абсолюттік көрсеткіші мәніне  сәйкес.

Көші-қон полициясы органдары ұсынған келу/кетуді статистикалық есепке алу талондарындағы мәліметтерді өңдеу нәтижесінде, 2015 жылғы қаңтар-наурызда елімізге тұрғылықты тұруға келгендердің тіркелу саны (көшіп-қонушылар) 2014 жылғы қаңтар-наурызбен салыстырғанда 14,2% кеміп, 4 165 адамды құрады.

Елімізден кеткен көшіп-қонушылардың тіркелу саны 11,1% көбейіп, 4 516 адамды құрады, көші-қонның айырымы -351 адам болды. Еліміздегі негізгі көші-қон алмасуы ТМД мемлекеттерімен болуда. ТМД елдерінен келгендердің және сол елдерге кеткендердің үлесі, тиісінше, 88,2% және 89,4% құрады. Қарастырылып отырған кезеңде 2014ж. сәйкес кезеңімен салыстырғанда ел ішінде көшіп-қонушылар саны 33 805 адамға немесе 40,6% көбейіп, 117 068 адамды құрады. Өңіраралық көшіп-қонушылардың үлесіне еліміздің жалпы ішкі көшіп-қонушылар санының 43,4% (43,3%) тиесілі. Өңіраралық көші-қонның оң айырымы Алматы (10 828 адам), Астана (324 адам) қалаларында және Ақмола (1 126 адам), Маңғыстау (195 адам), Қостанай (143 адам) облыстарында қалыптасты.

Барлық жаңалықтар