• Басты
  • Инженерлік-саперлік полктің кезекті мерзімді қызметтегі сарбаздары еліне қайтты
18 Мамыр, 2015 20:06

Инженерлік-саперлік полктің кезекті мерзімді қызметтегі сарбаздары еліне қайтты

Гвардейск гарнизоны инженерлік-саперлік полкінің кезекті мерзімді қызметтегі сарбаздар құрамын еліне шығарып салды, деп хабарлады Қорғаныс министрлігі.
Инженерлік-саперлік полктің кезекті мерзімді қызметтегі сарбаздары еліне қайтты

Аталған жастар өткен жылы көктемде ҚР Қарулы Күштерінің қатарына шақырылған болатын. Әскери міндетін өтеген сарбаздар тәжірибелі офицерлер мен сержанттардың басшылығымен жауынгерлік даярлықтан өтіп, қару-жарақ пен әскери техниканы меңгерді.

 Инженерлік-саперлік полктің командирі подполковник Мұрат Жүсіпов әскери борышын абыроймен өтеген сарбаздарға алғысын білдіріп, өз мамандықтары тұрғысынан үлгілі жауынгерлерді атап өтті. Осы орайда, кіші сержант Асылхан Билялов үздік бөлімше командирі ретінде танылса, ал қатардағы жауынгер Елжас Темірбеков полктің үлгілі механик-жүргізушісі атанды.

Сондай-ақ полк командирі қатардағы жауынгерлер Сергей Федко мен Ағыбай Амангелді үздік жүргізуші және сапер ретінде аталды. 2014 жылы инженерлік-саперлік полкке әскер қатарына шақырылған үздік сарбаз болып қатардағы жауынгер Еркеболат Аманов танылды. Ол атыс, саптық, дене және кәсіби даярлықтардан жоғары нәтижелерді көрсеткен болатын.

«Салтанатты шығарып салу рәсімі – бұл әскери қызметшілерді тәрбиелеудегі маңызды элементтердің бірі. Бүгінде запасқа шығарылып еліне қайтып бара жатқан жастар әскер қатарын жас буынмен толықтыратын сарбаздарды ынталандырады», - дейді «Оңтүстік» өңірлік қолбасшылығы әскерлері қолбасшысының тәрбие және идеологиялық жұмыстар жөніндегі орынбасары полковник Әркен Ташубаев.

Іс-шараның соңында жарты жыл бұрын армияға шақырылған жас әскери қызметшілер алаңға шығып сап бойында адымдады. Бүгін, олар өздерінің алдында әскери борыштарын өтеп, инженерлі-саперлік полк сапының қатарында соңғы рет тұрған аға буынмен теңесті.

 

Барлық жаңалықтар