• Басты
  • Әскери музыканттар «Жас ұлан» мектебінде шығармашылық кеш өткізді

Әскери музыканттар «Жас ұлан» мектебінде шығармашылық кеш өткізді

18 Мамыр, 2015 20:21
Жеңіс мерейтойы қарсаңында Қалық қаһарманы, армия генералы Сағадат Нұрмағамбетов атындағы «Жас ұлан» республикалық мектебінің тәрбиеленушілері мен ҚР МҚК Президенттің үрмелі оркестрі Астана қаласында тұратын ҰОС ардагерлеріне арнап шығармашылық кеш ұйымдастырды, деп хабарлады Қорғаныс министрлігі.

Әскери музыканттар соғыс жылдарындағы әндерді шырқап, отандық композиторлардың туындыларын орындады.

«Көрермен бізді жылы шыраймен қарсы алды. Біздің бүгінгі концертіміз қонақтарымыздың есінде біраз уақыт тамаша естелік ретінде қалатынына сенеміз», - дейді Президенттік үрмелі оркестрдің бастығы подполковник Тілек Ерғалиев.

«Әр ұлан үшін Ұлы Отан соғысының ардагерімен бірге шығармашылық кешке қатысу ерекше құрмет. Концертте орындалған туындылар бізді бей-жай қалдырған жоқ. Айтылған ән жоғары патриоттық рухты, біздің батыр халқымызды мақтанышпен сезіну түйсігін оятады», - деді ұлан Әділет Оспанов.

 

Барлық жаңалықтар