Қазақстандық әскери бөлімшелер ҰҚШҰ ЖІҰК қолбасшысының оперативті бағынысына өтті (Фото)

Әскери контигенттерді қабылдау және өткізу бойынша арнайы құрылған комиссия бірінші болып Қазақстан Республикасы Қарулы Күштерінің бөлімшелерін қабылдады. Тау шатқалындағы қабылдау-өткізу рәсіміне ҰҚШҰ бас хатшысы Николай Бордюжа барып қайтты.

Әскери контигенттерді беру рәсімі бірінші рет өткізіліп отырғанын атап өткен жөн. Жауынгерлік даярлықты қауырт тексеру барысында қазақстандық әскерлер жедел іс-қимыл ұжымдық күштерінің құрамына өтті.«Харбмайдон» полигонында шоғырланған қазақстандық әскерлердің жай-күйіне комиссия  оң баға берді. Ыстық ауа-райына қарамастан ҰҚШҰ ЖІҰК бөлімшелері жауынгерлік әзірлікке келтірілген шоғырлану ауданында көшпелі жағдайда жұмыс істейді.

Штаб құрамына кірген қазақстандық офицерлер алдағы міндеттерді жоспарлау бойынша жауынгерлік құжаттарды пысықтады. Ертең бөлімшелерді үйлестіру мен біріккен жаттығулар басталады. Жедел іс-қимыл ұжымдық күштерінің штабы әскери контигенттердің міндеттерін белгілейді. Халықаралық күштерді Тәжікстан Қарулы күштерінің өкілі басқарады.