• Басты
  • 2015 «Шығыс» өңірлік қолбасшылығы террористік шабуылға қарсы тойтарыс беру алгоритмін пысықтады
16 Мамыр, 2015 15:27

2015 «Шығыс» өңірлік қолбасшылығы террористік шабуылға қарсы тойтарыс беру алгоритмін пысықтады

«Шығыс» өңірлік қолбасшылығы 44736 әскери бөлімінің әскери қызметшілері іс жүзінде заңсыз құрылған әскери құралымдарды басып алу және жою кезіндегі іс-қимыл алгоритмін пысықтады, деп хабарлады Қорғаныс министрлігі.
2015 «Шығыс» өңірлік қолбасшылығы террористік шабуылға қарсы тойтарыс беру алгоритмін пысықтады

Үш күндік терроризмге қарсы оқу-жаттығуға бірқатар практикалық міндеттерді орындау қарастырылды. Қарулы жеке құрам заңсыз әскери құрылымның шартты орнын анықтап, Семей қаласынан шығып жаңа орынға ауысты және белгіленген пунктіне бекінді.

 Екінші тапсырма жауынгерлік оқу-жаттығудың негізгі бөлімі болды. Әскери қызметшілер террористердің шартты топтарының өкілдерімен байланыс орнатып, келіссөздер жүргізді. Содан кейін заңсыз басып алынған объектілерге шабуыл жасап, қылмыстық топты тұтқындады.

Заңсыз құрылған әскери топ өкілдері өзен жағасына шегіну әрекеттерін қолданды. Алайда, олар 44736 әскери бөлімінің әскери қызметшілерімен өзара іс-қимылда жұмыс жасаған амфибиялық ротасы жауынгерлерімен тұтқындалды.

Аталған терроризмге қарсы оқу-жаттығулары қалаға жақын аумақта өтуімен, сондай-ақ Семей гарнизонының әскери полиция жасағы, ҚР ҰҚК және ҚР ІІМ Ұлттық ұланы бөлімшелерінің әскери қызметшілерінің тікелей іс-қимылда болуымен ерекшеленеді.

 

Барлық жаңалықтар