• Басты
  • Суретші Болат Мекебаевтің «Елге оралу» көрмесінде әлем халықтарының өзіндік ерекшеліктері ұсынылды (ФОТО)

Суретші Болат Мекебаевтің «Елге оралу» көрмесінде әлем халықтарының өзіндік ерекшеліктері ұсынылды (ФОТО)

15 Мамыр, 2015 18:16
Астананың қолөнер орталығындағы көрме залында қылқалам шебері Болат Мекебаевтің «Елге оралу» көрмесі өтті. Суретші 90 жылдардың ортасынан бастап Германияда өмір сүріп келеді, алайда ол өзінің 28 жаңа туындысын кіндік қаны аққан туған жерінде - Қазақстанда таныстыруды жөн көрді.

«Мен өзіммен бірге 28 картинамды алып келдім. Бұл су жаңа топтама, оны үш жыл бойы салдым. Олар бұған дейін ешбір жерде көрсетілмеген. Мен өзімнің отанымда – Қазақстанда көрменің ашылуын өткізгім келді. Бұл көрме алдымен Астанада, содан кейін Алматыда өткізілетін болады», - деді Б.Мекебаев.

Туындылардың авторының айтуынша, көрмеде қойылған картиналардың балдығы түрлі ұлттардың тарихының негізінде салынған.

«Мұның бәрін жүзеге асыру үшін көп зерттеу, іздену керек болды. Мысалы менде еврейлерге қатысты тақырып бар, картинаға иврит тілінде жазба жазылған. Мен бұл тілді мүлдем білмеймін, алайда маған еврейлермен тілдесіп, олардың тілін үйрендім. Мен араб тілін де білемін. Сол үшін мен, яғни жазу дұрыс жазылу үшін мен арабтармен кездесіп жүрдім. Неміс тілінде ежелгі рундардың құпяилары қозғалды. Бұның барлығы да символизмнің бағыттары, символикалық сәттер өте көп және оларды зерттеген дұрыс болар еді»,-дейді ойымен бөліскен суретші.

Оның сөзінше, бұл тақырып ол әр халықтың өзінің тарихы мен тыныс-тіршілігін көрсету үшін таңдаған.

«Өкінішке орай, бүгінгі замнада да бомбалар жарылып, адамдар мерт болуыда, кейбір елдердің жағдайлар тіпті қиын. Мен өзімнің еңбегімде әр халықтың өзінің тарихы мен өмір салты бар екендігін көрсеткім келді. Мен адамдардың бір-біріне жауласумен емес, достықпен сүйіспеншілікпен қатынас жасау қажеттігін көрсеткім келді»,-деп қосты ол.

Сонымен қатар Болат Мекембаевтың «Елге оралу» атты көрмесінде суретшінің  картиналарының негізінде жібек орамалдардың коллекциясы қойылған.

«Ой мынадай болған: егер бір картина сатылып, музейге, галереяға қойылса немесе жеке қолға өтсе оған қол жеткізу мүмкін емес. Сол себепті мен орамалдарды көптеп шығаруды жөн көрдім. Әрбір картинаға мыңнан келеді. Бұл шектелген дүниелер. Бір адамның орнына оны мыңдаған адамдар тамашалай алады»,-деді ол.

Көрме 10 күнге созылады.

Анар Тәңірқұлова

Суретке түсірген Азамат Әлиев

Барлық жаңалықтар