Тұңғыш рет Тәжікстан Республикасының аумағына ҚР ҚК бас штабының оперативті тобы жіберілді

16 Мамыр, 2015 10:34

Ұжымдық қауіпсіздік шарты ұйымының Жедел іс-қимыл ұжымдық күштеріне (ҰҚШҰ ЖІҰК) кіретін қазақстандық әскери контигент «Харбмайдон» (Тәжікстан Республикасы) полигонының аумағына келді, деп хабарлады Қорғаныс министрлігі.

Әскерлерді тиянақты басқаруды қамтамасыз ету үшін Тәжікстан Республикасы аумағына ҚР Қарулы Күштері Бас штабының оперативті тобы жөнелтілді. Екі тәулік бойы қазақстандық әскерлердің қайта жасақталу үдерісі аяқтады. Осы орайда қазақстандық әскерлер тобы аталған ауданға бірінші болып келді.

Тәжікстан Республикасының аэродромында алдын-ала тексеруден өткен соң аэродромды күзету және қорғау үшін арнайы мақсаттағы бөлімшелер ауыр қару-жарағымен және әскери техникаларымен бірге орналасты. Аталған ЖІҰК тобына кіретін қазақстандық әскерлерден құралған негізгі топ шоғырлану аумағына 14 мамыр күні келген болатын. Майдандық авиация тағайындалған аэродромға орналастырылды.

Аталған ЖІҰК құрамына кіретін,жауынгерлік әзірлікті тексеруге тартылған барлық әскерлер тапсырманы орындауға дайын. Қазақстандық бөлімшелер қаруларымен, оқ-дәрілерімен және әскери техникалары қазақстандық ӘҚК әскери-көліктік авиациясының тоғыз ұшақ рейсімен келді. Ертең қазақстандық күштер мен заттардың барлығы ҰҚШҰ ЖІҰК басшылығына беріліп, аталған ұйыммен басқарылатын болады.

Естеріңізге сала кетсек, ағымдағы жылдың 12 мамыры күні ҰҚШҰ Біріккен штабының дабылы бойынша Қазақстанның Қарулы Күштерінен келген бес мыңнан аса адам, шамамен 400 қару-жарақ пен әскери техника жауынгерлік әзірліктің жоғарғы деңгейіне келтірілді.

Барлық жаңалықтар