«Самұрық-Қазына» АҚ-да көпжылдық қызметі үшін еңбек әулетінің өкілдерін медальдармен және грамоталармен марапаттау рәсімі өтті

Шараға, Қордың және еншілес компаниялардың топ менеджерлері, кәсіподақ ұйымдары, еліміздің еңбек әулеттерінің үлкендері  теміржолшылар, мұнайшылар, энергетиктер, инженерлер және т.б. қатысты.

«Мен басшылыққа осындай құрмет көрсетіп отырғанына үлкен алғыс айтамын. Мен бүкіл отбасыммен «ҚазАтомпром» ұлттық компаниясында жұмыс істеймін. Бірге жұмыс істеп жүрген туған-туыстарымызда жоқ емес. Енді міне немереміз өсіп келеді, олда біздің еңбек әулетіміздің  қатарын толықтырады деген үміттемін, сол күнге Құдай жеткізсін», -  деді еңбек әулеттерінің бірінің өкілі Талғат Қостаев.

Айта кетерлік жайт, еңбек әулеттері мамандықты отбасылық мирас ретінде қолдауға, жастардың еңбекке деген құрметін арттыруға және мамандығымен мақтануына септігін тигізеді. Сонымен қатар, Қордың және еншілес компаниялардың еліміздің түрлі аймақтарынан келген еңбек әулеттерінің өкілдерін медальдармен және грамоталармен марапаттау рәсімі өтті.

Бұдан басқа, Қор компаниялар тобының 2014 жыл бойы әлеуметтік тұрақтылық индексі зерттеулерінің нәтижесі қорытындыланды. Сонымен, Әлеуметтік серіктестік орталығының мәліметі бойынша, әлеуметтік тұрақтылық индексі 70% құрап, 2013 жылғы көрсеткіштен 12%-ға асты. Осы ретте, зерттеу жұмыстарына тартылғандар саны 190-нан 236-ға дейін, ал сауалнамаға қатысқандар саны 30-дан 38 мың адамға дейін артты.

Индира Кауметова

Суретке түсірген Азамат Әлиев