«ҚХА-20 ізгі іс!» акциясының аясында 35 мыңнан астам адам көмек алды

Баспасөз мәліметтері бойынша, республика бойынша 2 мың 500 іс-шара ұйымдастырылып, оған 620 мың адам қатысқан. «Іс-шаралар әлеуметтік жағынан аз қамтылған тұрғындарды, ҰОС ардагерлері мен көпбалалы отбасыларды, балалар үйлері мен өзге де азаматтарды қолдауға бағытталды»,-делінген хабарламада.   

Акция барысында сонымен қатар, бірқатар әлеуметтік-мәдени бағыттағы нысандар салынып, пайдалануға берілді, мыңнан астам көшет отырғызылды, барлық аймақтарда патриоттық акциялар ұйымдастырылды.   

Естеріңізге сала кетейік, 2015 жылдың 4-ақпанында Оңтүстік Қазақстан облысындағы Қ.А Яссауй кесенесінде «Қазақстан халқы Ассамблеясы – 20 ізгі іс» республикалық акциясының нышаны «Тайқазанды», «Тайқазан игі істер нышаны» деген атты ұранмен жолға шығару салтанатты рәсімі өтті.    

2015 жылдың 6-ақпанында Қазақстан халқы Ассамблеясының жылының басталуы барысында «ҚХА – 20 ізгі іс!» республикалық акциясы да іске қосылды. Аталмыш акция аясында Ассамблея жылына арналып облыстар мен Астана және Алматы қалаларында әлеуметтік-маңызы бар және қайырымдылық шаралары ұйымдастырылды. Акция 2015 жылдың соңына дейін жалғасады.