М.Х Дулати атындағы Тараз Мемлекеттік университеті Еуразиялық университеттер қауымдастығының 130-шы мүшесі болды

Осыдан бастап, қауымдастық еуразиялық кеңістіктегі Әзірбайжан, Армения, Бедарусь, Грузия, Қазақстан, Қырығзстан, Латвия, Молдова, Ресей, Тәжікстан, Түркменстан, Өзбекстан және Украина сияқты елдердің 130 университетінің басын қосатын болады.  

Қауымдастыққа мүше мемлекеттердің қазіргі жағдайдағы ынтымақтастығының басым бағыттары мен ұйымның ұйымдастырушылық мәселелерін талқылаған соң съезд қатысушылары қауымдастықтың жетекші органы мен комиссиясын сайлады.   

«Арнайы дауыс берулердің нәтижесінде қауымдастықтың президенті қызметіне В.А Садовничий, ал оның вице-президенттері қызметіне РУДН ректоры В.М.Филипов пен Л.Н.Гумилев атындағы Еуразия ұлттық университетінің ректоры Е.Б.Садықов сайланды. Қауымдастықтың атқарушы хатшысы ММУ-нің  ректорының орынбасары Н.В.Семин болды. Съезде сонымен қатар Жоғарғы кеңестің құрамы қабылданып, оған 29 адам кірді»,-делінген хабарламада.  

Еуразиялық университеттер қауымдастығының құрамына 12 жоғары оқу орны кірді. Олардың арасында М.Х.Дулати атындағы Тараз Мемлекеттік университеті, Ш.Уәлиханов атындағы Көкшетау Мемлекеттік университеті мен Қазақстан Республикасы Тұңғыш Президенті атындағы Ұлттық қорғаныс университеті бар.   

Шара барысында М.Х.Дулати атындағы Тараз Мемлекеттік университеті мен Санкт-Петербург механиканың ақпараттық технологиялары мен оптика  Ұлттық университеті арасында магистранттарды бірлесіп дайындау жөніндегі келісімге қол қойылды.

Естеріңізге сала кетейік, Еуразиялық универсиеттер қаууымдастығы Мәскеу Мемлекеттік университетінің бастамасымен 1989 жылы КСРО университеттерінің қауымдастығы ретінде құрылған. 1992 жылы қауымдастық Еуразиялық университеттер қауымдастығы болып қайта құрылды. Бүгінде ол беделді ықпалды халықаралық ұйым және оның құрамына ТМД-ға мүше мемлекеттердің барлығының ұлттық университеттері  мен Еуразиялық кеңістіктегі аймақтық университеттер мен жоғары оқу орындары кіреді.