Батыс Қазақстанда Іскер әйелдер кеңесі құрылды
Облыстың ішкі саясат басқармасының мәліметтері бойынша, Іскер әйелдер кеңесі кәсіпкер-әйелдерге кеңселік және өндірістік ғимараттарды табуда қолғабыс етіп, елде жүзеге асырылып жатқан мемлекеттік бағдарламалар мен мемлекеттік қолдаулар туралы толыққанды ақпараттарды жеткізіп, алғашқы капитал мен жалға беретін мүлікпен байланысты мәселелерді шешеді.
Мысалы, ауылдық аймақтардағы кәсіпкерлер үшін оқыту семинарлары, кеңестері ұйымдастырылады. Ал тәжірибелі кәсіпкер-әйелдер үшін шетелдік әріптестермен жұмыс істеу үшін арнайы бағдарлама дайындалады. Іскер әйелдер кеңесі қызметінің басым бағыттарының бірі ретінде болашағы зор бизнес-жобаларды қолдау, ақыл-кеңестер беру, кәсіпкер-әйелдердің тәжірибе алмасуы, қазақстандық бизнестің әйел өкілдерінің шетелдегі іскерлік топтардың арасындағы бет-бейнесі мен беделінің жоғары болуын қамтамасыз ету мәселеелері де қарастырылған.
