2015 жылы «ЖҚЖК-2020» бағдарламасын жүзеге асыруға 37,3 млрд теңге бағытталды

 «Ағымдағы жылы  бағдарламаны одан ары жүзеге асыруға 37,3 млрд теңге бөлінді. Оның 13,8 млрд теңгесі бірінші бағытын жүзеге асыруға бағытталды. Қомақты қаржыға ауылдардағы 520 нысанаға жөндеу жұмыстары жүргізіледі және 30 ауылдық дәрігерлік амбулаторияның құрылысы жалғастырылады. Сонымен қатар, 409 елдімекендегі 4 мыңға жуық адамды жұмысқа  орналастыру жоспарлануда», - деп хабарлады ол. 

Вице  министрдің айтуынша, ағымдағы жылы екінші бағыт бойынша өз-өзін жұмыспен қамтыған және жұмыссыз 3,3 мың  адамды микронесиелендіруге 10 млрд теңгеден астам қаржы бөлінетін болды. Ал, үшінші бағыт бойынша кәсіптік оқыту жалғасады. «Әлеуметтік жұмыс орындарына  13 мың жастар жіберледі», - деп толықтырды Д.Арғандықов.

Естеріңізге сала кетейік, «Жұмыспен қамтудың жол картасы - 2020» бағдарламасы үш бағыт бойынша жүзеге асырылады, олар: инфрақұрылымдық және тұрғын үй коммуналдық шаруашылық  жобаларында жұмыспен қамту, кәсіпкерлік бастамаларға қолдау көрсету, тұрғылықты жерін ауыстыру арқылы жұмыспен қамту.

Анар Тәңірқұлова