28 мың қазақстандық «ЖҚЖК-2020» бағдарламасы аясында шағын несиеге ие болды (Фото)

14 Мамыр, 2015 13:19

«Жұмыспен қамтудың жол картасы-2020» бағдарламасының екінші бағыты аясында 2011 жылдан бастап 28 мың азаматқа несие берілген, олар 26 мыңға жуық жұмыс орнын ашты, деді ОКҚ брифингінде ҚР денсаулық сақтау және әлеуметтік даму вице-министрі Дәулет Арғандықов.

«Бағдарламаның екінші бағыты көптеген өзін өзі қамтушы адамдар ауыл шаруашылығында жұмыс істегендіктен кәсіпкерлік бастаманы үстемелейді.Ауылдық жерлерде инфрақұрылым әлсіз болғандықтан жұмыс орнын ашу қиынға түседі. Бұл жағдайда мәселені кәсіпкерлікті дамыту шешеді. Біз бұл істі шағын несиелеу бойынша тиімді жүзеге асырып жатырмыз», - деді вице-министр.

Оның айтуынша, 2011 жылдан бастап шағын несиелерді 28 мың адам алды, олар 26 мың жұмыс орнын ашты.

«Бағдарламаның екінші бағыты аясында азаматтарға 5 жылға 3 млн қаржы 6 пайыздық үстемемен беріледі. 2011 жылдан бастап шағын несиелерді 28 мың адам алды, олар 26 мың жұмыс орнын ашты. Меніңше, бұл ауылдықтарға біздің тараптан көрсетіліп отырған үлкен қолғабыс», - деді ол.

Естеріңізге сала кетейік, «Жұмыспен қамтудың жол картасы - 2020» бағдарламасы үш бағыт бойынша жүзеге асырылады, олар: инфрақұрылымдық және тұрғын үй коммуналдық шаруашылық жобаларында жұмыспен қамту, кәсіпкерлік бастамаларға қолдау көрсету, тұрғылықты жерін ауыстыру арқылы жұмыспен қамту.

Анара Тәңірқұлова

Барлық жаңалықтар