• Басты
  • Қазақстанда жұмыссыздық деңгейі 5 пайызға төмендеді – ҚР ДСӘДМ

Қазақстанда жұмыссыздық деңгейі 5 пайызға төмендеді – ҚР ДСӘДМ

14 Мамыр, 2015 12:22
Қазақстандағы жұмыссыздық деңгейі 2008 жылы 6,6 пайызға, 2014 жылы 5 пайызға төмендеді, деп хабарлады Денсаулық сақтау және әлеуметтік даму вице-министрі Дәулет Арғандықов Орталық коммуникациялар қызметінде өткен баспасөз мәслихатында.

«Қазақстанда тұрғындарды жұмыспен қамтуда айтарлықтай жетістіктер бар. Әлеуемтік-экономикалық өзгерістер кезінде елде дамушы нарық қалыптасып, тұрғындардың экономикалық белсенділіктері артты. Олардың 8,5 миллионы – жұмыспен қамтылғандар, 452 мыңы жұмысыздар. Бұл өткен жылдың қорытындылары»,-деді Д.Арғандықов.

Вице-министрдің сөзінше, 2008 жылы жұмыссыздық 6,6 пайызға, 2014 жылдың қорытындысы бойынша 5 пайызға төмендеді.  

«Осы жылдар ішінде жұмыссыздық деңгейі төмендеді. Мұндай жақсы жетістіктерге тұрғындардың экономикалық белсенділіктері артқан кезде, жұмыспен қамтылған азаматтар саны көбейген кезде қол жеткізілді. Осы уақыт аралығында экономикалық жағынан белсенді азаматтар саны 500 мың адамға артып, 9 миллион адамға жетті. Жұмыспен қамтылған азаматтар саны 700 мыңға жетіп, 8,5 миллион адамды құрады»,-деді ол.  

Анар Тәңірқұлова

 

Барлық жаңалықтар