Бразилия Президенті Қазақстанмен ынтымақтастықты нығайтуға ниет білдірді
14 Мамыр, 2015 11:18
Елбасы Нұрсұлтан Назарбаевтың атына Бразилия Федеративтік Республикасының Президенті Дилма Руссефтің құттықтау жеделхаты келіп түсті, деп хабарлады Ақорданың баспасөз қызметі.
Д.Руссефф құттықтауын бүкіл Бразилия халқының және жеке өзінің атынан жолдаған.
«Екіжақты ынтымақтастығымызды нығайту және Қазақстан мен Бразилия арасындағы ынтымақтастықтың жаңа мүмкіндіктерін іздестіру үшін мен Сізбен жұмысымызды жалғастыруды қалайтынымды тағы да атап өткім келеді», – делінген құттықтауда.
