Жекешелендіру бағдарламасы аясында «Транстелеком» АҚ сатылды - Самұрық - Қазына

««Транстелеком» АҚ-ның 49% акциясын сату-сатып алу туралы келісім шартқа қол қойылды. Сатушы ретінде «Қазақстан темір жолы» ҰК» АҚ шықты. Келісім сомасы бастапқы баға 6,82 млрд теңге бола тұра, 8,94 млрд теңгеден асып жығылды», - делінген хабарламада.

«Транстелеком» АҚ  - қазақстандық ірі байланыс операторларының бірі. Кәсіпорын 1998 жылы «Бас байланыс қашықтығы» МЕК қайта құру арқылы құрылды. Компания Астана қаласында орналасқан,  2662 жұмысшысы бар.

Компания жергілікті, қалааралық, халықаралық байланыс қызметін, интернетпен байланыстыру сынды және өзгеде телекоммуникациялық қызметтерді ұсынады. Бұдан басқа, «Транстелеком»АҚ  телекоммуникацияның жер серіктік және радиорелелік жүйелерін жасақтайды және пайдалануға береді.

«Жалпы, сату-сатып алу келісім шартында жұмысшыларды әлеуметтік қорғау мақсатында компанияның қызметі бр жыл бойы сақталуы керек және жұмысшылардың саны қысқартылмауы тиіс деген шарт енгізілген», - деп баспасөз ақпарында түсіндірілген.

Естеріңізге сала кетейік, 2014-2016 жылдарға арналған жекешелендіру бағдарламасы аясында «Самұрық - Қазына» АҚ-ның еншілес және тәуелді 106 компаниясы жеке секторға шығарылады. Бүгінгі таңда жалпы сомасы 36,65 млрд. теңге болатын 27 актив сатылды.