Ақмола облысының оқушылары патриоттық әндерді шырқады
15 Мамыр, 2015 08:54
Ақмола облысының Астрахань ауданында Ұлы Отан соғысындағы Жеңістің 70 жылдығына арналған «Соғыстан қайтқан солдаттар» атты патриоттық әндердің байқауы өтті, деп хабарлайды «Ақмола Медиа Орталығы».
Байқауды «Астрахань ауданының жастар ресурстық орталығы» мен аудандық білім бөлімі ұйымдастырды. Ән бәсекесіне 26 орындаушы қатысты.
«Үміткерлер байқауға ұзақ уақыт дайындалды, сахнада лайықты орындай білу үшін патриоттық тақырыптардағы әндерді үйренді. Бұл байқау Астрахань ауданында жыл сайын ұйымдастырылып, жақсы дәстүрге айналды»,-делінген хабарламада.
Байқауға қатысушылардың әрқайсысы өзінің дайындаған нөмірін лайықты орындауға тырысты. Олар ұрандар жазылған транспаранттарды, шарлар мен патроиттық әндермен сәйкесетін түрлі билерді пайдаланды.
Қатысушылардың барлығы ауданның ресурстық орталығы тарапынан мемлекеттік жастар бағдарламасын орындау бойынша құнды сыйлықтармен, грамоталармен марапатталды.
