«Тұлпар-Тальгоның» 40 жолсерігі арнайы білім беру орталығында біліктілігін арттырды

14 Мамыр, 2015 12:37

«Тұлпар-Тальго» Қызмет көрсету персоналын даярлайтын арнайы білім беру орталығында пойыз бастықтары мен жолсеріктеріне ағылшын тілін бітіргендіктері туралы сертификаттар табыс етілді, деп хабарлады «ҚТЖ» АҚ.

«Тұлпар-Тальго» пойыздарында жолаушыларға қазіргі заман талаптарына сай сапалы қызмет көрсетуді іске асырудың алғашқы кезеңі аясында 140 қызметкер арнайы құжатқа ие болды. Қазір білім орталығында 100-ден астам жолсерік оқуларын жалғастырып жатыр.

Оларды оқыту жеті бағыт бойынша жүзеге асырылуда. Оның ішінде үш тілді (қазақ, орыс, ағылшын тілдерін) меңгеруге, сөйлеу мәдениетіне, қарым-қатынас этикасына, қызмет көрсету стандарттарына, кикілжіңді жағдайларды шешу мәселелеріне баса назар аударылады.

Кәсіби жаттықтырушы-кеңесшілер арнайы тренингтер өткізіп, теміржолшыларды «ЭКСПО-2017» халықаралық көрмесіне тыңғылықты дайындау үстінде.

Үстіміздегі жылдың екінші жарты жылдығында «Жолаушылар тасымалы» акционерлік қоғамы «Тұлпар-Тальго» жолаушыларына жаңа сапалы қызмет түрлерін ұсынбақ.

Жолсеріктерге сертификат тапсырып тұрып «Жолаушылар тасымалы» АҚ Президенті Ермек Төлегенов «Жолаушылар қызмет көрсету сапасын көтеру жұмыстарын АО «ҰҚ «ҚТЖ» қарасты басқа да жолаушылар пойыздарында іске асыру көзделуде. Біздің мақсат - ұлттық тасымалдаушы компанияның жаңа келбетін қалыптастыру» - деп атап өтті.

Барлық жаңалықтар