• Басты
  • Ослода ҚР өкілдерінің қатысуымен Мәдениет және тіл фестивалі өтті

Ослода ҚР өкілдерінің қатысуымен Мәдениет және тіл фестивалі өтті

14 Мамыр, 2015 08:36
Қазақстанның Норвегиядағы Елшілігі Қазақстандық-норвегиялық мәдени орталықпен бірлесе, Ослоның мэриясы ұйымдастырған Мәдениет және тіл фестиваліне қатысты, деп хабарлады ҚР Мәдениет және спорт министрлігі.

Қазақстан мәдениеті бұрышында мәдени-тарихи, археологиялық ескерткіштердің бейнелерін, қазақ елінің салт-дәстүрлерін көрсететін, Астананың қазіргі архитектурасының және Алматының олимпиадалық объектілерінің суреттерін қамтитын фотокөрме ұйымдастырылып, көпшілік назарына ұлттық киімдер көрмесі мен Қазақстан туралы кітаптар ұсынылды. Фестиваль қатысушылары сәндік-қолданбалы өнермен танысып, елдің ән-күйін тыңдап, Қазақстандық-норвегиялық мәдени орталықтың басшысы Алмагүл Қалелованың орындауында ұлттық биді тамашалап, «Қазақстанға қош келдіңіз» бейне-роликті көріп, ұлттық тағамдардан дәм тәтті. Фестиваль барысында алуан түрлі ақпараттық-имидждік материалдар таратылды.

Қазақстанның мәдениетіне арналған стенд көпшілікке ұнап, норвегиялықтар тарапынан жоғары бағаға иеленді. Олардың көбісі Қазақстанға бару тілектерін білдірді.

 

Барлық жаңалықтар