ҚР ҚК және АҚШ мемлекеттік департаментінің өкілдері ҚР мен АҚШ арасындағы әскери ынтымақтастық мәселелерін талқылады

13 Мамыр, 2015 20:11

Ағымдағы жылдың 12-13 мамыры аралығында Астана мен Алматы қалаларында АҚШ әскери-саяси істер бюросы хатшысының бірінші орынбасары Тод Чапманның басшылығымен АҚШ Мемлекеттік Департаментінен келген делегацияның іссапары өтуде, деп хабарлады Қорғаныс министрлігі.

Іссапар аясында мемлекеттік департамент өкілдері ҚР ҚМ орынбасары генерал-майор Талғат Мұхтаровпен кездесті. Екі ел өкілдері екі жақтың қорғаныс ведомстволарының ынтымақтастық туралы өзекті мәселелерін талқылады.

Осыдан кейін Тод Чапман Қазақстанның бітімгершілік бригадаларын, сондай-ақ «Іле» оқу-жаттығу орталығын аралап, Халықаралық әскери білім бағдарламасы (ІМЕТ) аясында білім алып жатқан әскери қызметшілермен кездесті. Естеріңізге сала кетсек, ҚР ҚК мен АҚШ әскери қызметшілері қатысатын бітімгершілік оқу-жаттығуының бірі «Дала қыраны» болып табылады.

Сонымен бірге ағымдағы жылғы сәуір айының басында Алматы облысындағы «Іле» оқу-жаттығу полигонында халықаралық шараның бірінші арнайы тактикалық кезеңінің салтанатты ашылу рәсімі өтті. Бұл іс-шараға Америка Құрама Штаттары мен Ұлыбританиядан, сондай-ақ ҚР ҚК Аэроұтқыр әскерлерінің «Қазбриг» бітімгершілік бригадасынан шамамен 100 әскери қызметші қатысты.

Аталған әскери жаттығулардың басты мақсаты – БҰҰ бітімгершілік операцияларын өткізу барысында Қазақстандық бітімгершілік бригадаларымен батальонының штаб жұмыстарыніс жүзінде жетілдіру. Сондай-ақ қарсы жақтар арасында орын алған қақтығыс барысында бітімгершілік іс-қимылды орындауда бөлімшенің жауынгерлік жинақылығын арттыру болып табылады.

Барлық жаңалықтар