Ғ.Шойкин: «Қазақстандық жол» моделі Тәуелсіз Қазақстанның дамуындағы маңызды фактор

«Тәуелсіздік жылдарында Қазақстанда қоғамның бүкіл әлемге «Қазақстандық жол» ретінде танымал ұлтаралық және конфессияаралық өзіндік бірегей үлгісі қалыптасты. Бейбітшілік, мәдениеттер мен діндер диалогы жемісті тәжірибе ретінде танылды, ал қазақстандық үлгінің өзі бүгінде халықаралық деңгейде үйренер жайтқа айналды», - деп атап өтті Ғ.Шойкин.

Комитет төрағасының айтуынша, «Қазақстандық жол» моделі болашақта да тәуелсіз Қазақстан дамуының маңызды факторына айналуы тиіс.  Бұл - біздің басты құндылығымыз бен игілігіміз.  

«Кемелденудің жаһандық емтиханынан өту үшін біз ұйымшыл болуымыз керек, барлық қазақстандықтар арасында сенімді нығайтып, бір-бірімізге толерантты болуымыз қажет.  Бұл болашақ Қазақстанға бастар кілт. Біз өзіміздің ұлтаралық келісімімізді өзіміз сақтауымыз керек»,- деп қорытты ол.

Анара Тәңірқұлова