Алматыдағы жәрмеңкеге 200 тонна экологиялық таза өнім қойылады
13 Мамыр, 2015 20:43
Алматыда 2015 жылдың 16 мамырында Оңтүстік Қазақстан облысы тауар өндірушілерінің ауыл шаруашылық жәрмеңкесі өтеді.
Қала әкімдігі хабарлағандай, алматылықтарға 45-тен астам азық-түлік және ауыл шаруашылық өнімдері ұсынылады, жәрмеңкеге қойылатын өнімдер: ет,сүт, жеміс және көкөніс, шұжық өнімдері, ұн және жарма, өсімдік майлары және басқа да қажетті өнімдер. Жәрмеңкеге қойылатын өнімдердің бағасы базардағыдан 15-20 пайызға төмен.
Қала тұрғындары мен қонақтарына 56 тонна ет, 5 тонна сүт, 75 тонна көкөніс, жеміс, жалпы сомасы 100 млн. теңгенің ауыл шаруашылық және азық-түлік өнімдері ұсынылады. Ауыл шаруашылық жәрмеңкесіне ОҚО-ның 14 ауданы мен Шымкент және Түркістан қаласының фермерлері қатысады, олар мегаполиске 202 тонна экологиялық таза және сапалы өнім әкеледі.
