• Басты
  • Астанада 18 мамыр күні «Музей түні» акциясы өтеді

Астанада 18 мамыр күні «Музей түні» акциясы өтеді

13 Мамыр, 2015 13:13
Халықаралық музей күнi қарсаңында елордада «Музей түнi» акциясы өтедi, деді ОКҚ брифингінде Қазақстан Республикасының Ұлттық музейінiң президентi Дархан Мыңбай.

«Біз барлығын «Музей түні» акциясына шақырамыз. Ол тұңғыш рет 2006 жылы Қазақстанның орталық музейінде өткізілді. Сол уақыттан бері оны көптеген музейлер өткізіп келеді», - деді ол.

Оның айтуынша, «Музей түнi» акциясы тұрғындар мен қонақтардың қызығушылығын арттырмақ.

«Музей күнi қарсаңында бiздiң музейдiң қабырғасында ауқымды конференция өтедi, сондай-ақ, 15 күнi жастарға арналған флешмоб жоспарланып отыр. Бұл түнi музей ашық болады және акция аясында тематикалық түрлi экскурциялар, викториналар ұйымдастырылып, арнайы дайындалған деректi фильмдер көрсетiледi», - дедi Ұлттық мұражай президентi. 

Айта кетейік, Халықаралық музей күні халықаралық музей кеңесімен нақтыланды, 1978 жылдан бері аталып келеді. 18 мамыр күні жыл сайын әлемнің 150 елі  залдарында мәдеи шаралар өткізеді. 

Анар Тәңірқұлова

Барлық жаңалықтар