ҚР ҚК офицерлерінің 29 пайызы жоғарғы лауазымға тағайындау үшін резервке енгізілді (Фото)

Офицерлердің 31% аттестациядан өтіп, олардың ішінде 29 пайызы жоғарғы лауазымға тағайындау үшін резервке енгізілді. Ал 34 % оқуға жіберуге және офицерлердің 3 % – жоғарғы лауазымнан төмен лауазымға ауыстыруға ұсынылды.

Бұдан өзге моралды-іскерлік және кәсіби сапасын ескере отырып аттестациядан өткен офицерлер қатарынан запасқа шығарылғандар шамамен 0,74 пайызды құрап отыр. Әскерилерді аттестациялау бойынша жұмыстар басшылық құжаттарының талаптарына сәйкес ұйымдастырылып, іске асырылатынын айта кеткен жөн. Сонымен қатар Ақмола, Алматы, Қарағанды, Талдықорған және Семей гарнизонына қарасты әскери бөлімдерінде (мекемелері) тексеру жүргізілді.

Аттестацияны сапалы ұйымдастыруда ҚӘББ бастығының басқармалары, Тыл бастығы, «Шығыс» және «Астана» өңірлік қолбасшылықтары әскерлерінің қолбасшылары, сондай-ақ АэҰӘ, ӘШҚҚ және ӘӘК әскери бөлімдері ерекше көзге түсті. Естеріңізге сала кетсек, аттестацияның басты мақсаты – әскери тәртіп пен офицерлердің жеке қасиеттерін нығайту, оларға жүктелген міндетке деген жауапкершілігін арттыру болып табылады.

Қазіргі уақытта Қарулы Күштердің офицерлік корпусын аттестациялаудың үшінші кезеңі басталды. Оның аясында бригада командирлерінің орынбасарлары мен оған теңестірілген санаттағы әскерилер аттестациядан өтеді.