Т.Тәжібаева: Бүгінде тұрақты даму идеясын насихаттауда музейлердің рөлі зор

«Табиғи және мәдени мұралар бүгінде заманауй өркениеттің базалық құндылықтары болып отыр. Тұрақты дамуды қамтамасыз етуде шешуші рөлді өзге емес, осы мұралар атқарады. Бүгінде тұрақты даму негізгі үш бағытты біріктіретін құндылықтар деуге болады. Олар: экономика, экология және әлеуметтік сала. Біз бүгінгідей 21 ғасырдың қауіп-қатерлеріне белсенді қарсылық көрсетіп жатқан тұстың өзінде тұрақты даму туралы айтып жатырмыз. Ал, әлемдік құрылыстағы құндылық – адамның үйлесімді дамуы, әлемнің құндылықтарына жауапкершілікпен қарап, оны бағалай білуі болып табылады»,-деді Т.Тәжібаева.      

Оның сөзінше, осы тұрғыдан алғанда тұрақты даму идеясын насихаттауда музейлердің рөлі өте зор деуге болады.

«Музейдің тұжырымдамасы бүгінде қандай да бір тарихи артефактілердің қоймасы ғана емес, бұл алаң, форум, бүгінде музей дегеніңіз кеңістік. Біз онда рухани-адамгершілік құндылықтарға, белсенді азаматтық көзқарасы болатындай, тұрақты даму үдерістерін басымдық ретінде танитындай  етіп тәрбиелеуіміз керек»,-деді ол.  

Анар Тәңірқұлова