• Басты
  • Қазақстанда 3-6 жас аралығындағы балалардың 78,6%-ы мектепке дейінгі оқумен қамтылған - Ісімбаева

Қазақстанда 3-6 жас аралығындағы балалардың 78,6%-ы мектепке дейінгі оқумен қамтылған - Ісімбаева

13 Мамыр, 2015 17:16
Астанада ҚР Парламенті мәжілісінің депутаты, партиялық куратор Гүлмира Ісімбаеваның «Білім және ғылым» бағыты бойынша сараптамалық тобының отырысы болып өтті, деп хабарлады «Нұр Отан».

Отырыс барысында мектепке дейінгі білім мәселелері қаралды, атап айтсақ, мектепке дейінгі біліммен қамтуды қамтамасыз ету бойынша Сайлауалды платформа көрсеткіштерін жүзеге асыру, балабақшалар құрылысы мен мектепке дейінгі білім беру мекемелерін педагог карлармен қамтамасыз ету мәселелері.

Партиялық куратор Г. Ісімбаева мемлекеттің азаматтардың мектепке дейінгі білімге деген қажеттіліктерін қамтамасыз ету бойынша шаралар қабылдап жатқанын атап өтті. Оған 3 жыл ішіндегі платформаны жүзеге асыру көрсеткіштері дәлел. Бүгінгі таңда 3-6 жасқа дейінгі балалардың  78,6%-ы мектепке дейінгі біліммен қамтылған. 

Бүгінгі таңда мектепке дейінгі мекемелерді бірінші және жоғары санатты педагогтардың үлесі  27% құрайды, 2017 жылға қарай білікті педагогтар үлесі 31,2% жететін болады.

«Нұр Отанда» атап өткендей, ҚР Білім және ғылым министрлігі «Нұрлы жол» бағдарламасы бойынша балабақшалар құрылысы, сондай-ақ мемлекеттік білім беру тапсырысын арттыру балабақшалардағы орындар тапшылығын қысқартуға және мектепке дейінгі біліммен қамтуды арттыруға мүмкіндік береді.

Астана, Алматы қалалары мен Алматы және Маңғыстау облыстарының білім басқармаларының басшылары балабақшалардағы орын тапшылығы мәселесін шешу бойынша алда тұрған міндеттері туралы әңгімеледі.

Кездесуге қатысушылар сондай-ақ ҚР-дағы Мемлекеттік білім беру жинақтаушы жүйесін дамыту мәселесін де талқылады.  ҚР БҒМ «Қаржы орталығы» АҚ өкілі мемлекеттік білім беру жинақтаушы жүйесі туралы заң қабылданғалы бері елде 10,5 мыңнан астам қор ашылғанын, соның ішінде шамамен 7 мыңдай қордың балалар үйлерінің тәрбиеленушілеріне ашылғанын атап өтті.

 

Барлық жаңалықтар