Елордалық прокуратура Астанада кәсіпкерлердің заңды құқықтарын қорғау бойынша белсенді жұмыс жүргізуде -Бекбосынов

«Президенттің «Нұрлы жол» жолдауында кәсіпкерлік субъектілеріне қолдау көрсету қажеттілігі көрсетілген. Кәсіпкерлер құқығын қорғау мәселесі қазіргі қоғамда өте өзекті және Астанадағы прокурорлық қадағалаудың басым бағыттарының бірі болып табылады», - деді С.Бекбосынов. 

Оның айтуынша, мемлекеттік органдар тарапынан кәсіпкерлік субъектілерінің ісіне заңсыз араласу әрекетіның жолын кесу мақсатында төрт жедел әрекет ету мобильді тобы жұмыс жасайды. 

«Елордалық прокуратура органдары мен кәсіпкерлер палатасы бизнестің барлық субъектілеріне қолдау көрсетуге дайын, осы бағытта қажетті жұмыстар жасалуда. Бизнеске заңсыз араласудың барлық фактілері бойынша жауапкершілікті қоса алғанда мәселені шешуге дейін тиісті шаралар қолданылады», - деп толықтырды ол.

Еске салсақ, былтыр қаңтар айында Астана прокуратурасы мен елордалық Кәсіпкерлер палатасы арасында кәсіпкерлер құқығын қорғау саласында Меморандум жасалған еді.

Ботагөз Айтжанова