Армия авиациясының ұшқыштары жауынгерлік тікұшақтарда «күндізгі және түнгі» ұшуларды іске асырады

Армия авиациясының Ми-8 жауынгерлік тікұшақтарында тәжірибелі ұшқыштар күндізгі және түнгі уақыттағы ұшуларды орындайды. Ағымдағы жылдың 16 мамырынан кейін «Армия авиациясын тактикалық басқару» мамандығы бойынша үшінші курс тәлімгерлері әскери тікұшақтарда ұшудан оқу-жаттығуға кіріседі.

Әскери институттың оқу-жаттығу ұшулары еліміздегі Әскери-әуе күштері үшін жоғарғы білікті кадрларды даярлау бағдарламасының бір бөлігі болып саналады. Болашақ әскери ұшқыштар іс жүзінде бекітілген жауынгерлік авиатехника нұсқаларының көмегімен теориялық тұрғыда алған білімдерін сәтті игереді.

Бүгінде екі мәрте Кеңес Одағының батыры Талғат Бегелдинов атындағы Әуе қорғанысы күштерінің әскери институты Орталық Азиядағы бірегей әскери оқу орны саналады. Аталған оқу орны армия, майдандық және әскери-көліктік авиацияның ұшу құрамын даярлауды іске асырады. Әскери оқу орнының түлектері жыл сайын Қазақстан Қарулы Күштерінің қатарын толықтырып келеді.