ҚР Ұлттық музейінде Павлодар өңірінің үздік экспонаттарының көрмесі өтті
12 Мамыр, 2015 18:44
Астанадағы Қазақстан Республикасының Ұлттық музейінде Павлодар облысының барлық музейлерінен жиналған жәдігерлер қойылған «Ертістің Павлодар өңірі тарих толқынында» атты көрме ашылды. Шара Қазақстан Республикасы Ұлттық музейінің «Ғасырлар қойнауынан сыр шерткен Қазақстан» жобасы аясында ұйымдастырылған.
7 бөлімге бөлінген көрмені тамашалаушылар павлодарлық суретшілердің туындыларын, Павлодар тарихынан сыр шертеді. Бірінші кезекте алғаш рет Қарағанды облысы ұйымдастырды, Павлодар облысы енді ұйымдастырып отыр», - деді Ұлттық музей директоры Дархан Мыңбай.
Көрме аймақтар арасындағы мәдени байланысты нығайтуға, музей ісін дәріптеуге, Қазақстанның облыстық тарихи өлкетану музейлерінің мол қорларынан жинақталған қазақ халқының материалдық және рухани мәдениетінің құнды жәдігерлерін паш етуге бағытталған.
«Тамашалаушылар Павлодар облысының өткен тарихымен, өлкенің белгілі ғылым, мәдениет, әдебиет және өнер қайраткерлерімен таныса алады», - деді ол.
Көрме екі ай бойы жұмыс істейді.
Анар Тәңірқұлова
