Назарбаев Университетінде «Samsung Smart Lab» ғылыми-зерттеу лабораториясы ашылады

12 Қазан, 2013 11:43

Назарбаев Университетінде «Самсунг» компаниясының мамандандырылған бағдарламалық және арнайы қондырғылармен қамтамасыз етілген «Samsung Smart Lab» ғылыми-зерттеу лабораториясы ашылады, деп хабарлайды Университеттің баспасөз қызметі.

«Бұл «Самсунг» үшін өте маңызды шара. Біздің компания жоғары технологиялар саласындағы бірқатар дәрежелер бойынша біріншілік жүлдесінің иегері. Енді біз индустриядада өзіміздің көшбасшылығымызды сақтап қалуға ниеттіміз. «Самсунг» компаниясы өзі қатысқан барлық салаларда салалық және кадрлық әлеуетті дамытуға көп көңіл бөледі. Сондықтан біздің Назарбаев Университеті секілді алдыңғы қатарлы мекемемен әріптестік құруымыз Қазақстанның ғылыми саласына үздік технологияларды енгізіп қана қоймай, қазақстандық қызметкерлердің зерттеу мүмкіндігін ашуға да жағдай жасамақ», - деді «Samsung Electronics Kazakhstan and Central Asia» компаниясының президенті Сын Сик Чой.

Компания басшысының айтуынша,ағымдағы және болашақтағы жобалар Назарбаев Университетімен бірге жүзеге асырылып, 2011-2020 жылдарға арналған бизнес әріптестігі арқылы білім беруді қолдау мемлекеттік бағдарламасын дамытуға қызмет етпек. Сонымен қатар «e-learning» жүйесі оқытылуын жетілдірмек.

Айта кету керек,«Samsung Smart Lab» Назарбаев Университеті мен «Samsung Еlectronics» компаниясының өзара келісім меморандумы аясында іске асырылған.