Қазақстанда волонтерлардың құқықтарын заңды түрде бекіту ұсынылып отыр

«Волонтердың құқықтары туралы» бөлігінің талаптары бойынша, волонтерлар қызметін кез-келген уақытта тоқтатып, волонтерлік қызметті қамтамасыз ету үшін тиісті ақпараттарды ала алады. Сондай-ақ аталған заң жобасы бойынша, волонтерлар арнайы киімдер, кеңесші хаттар мен грамоталар, ведомстволық наградалар, «үлгілі» деген белгіні, өмірін сақтандыру құжаттарын, волонтер мәртебесін беретін құжаттар алуға құқылы»,-деді Парламент Мәжілісінің депутаты, заң жобасын дайындаушы Мейрам Бегентаев.    

Бұған қоса, жоба волонтер, волонтерлік қызметті пайдаланушы, волонтерлік ұйым, волонтерлік топтар, волонтерлік қызметті ұйымдастырушылар сияқты түсініктерді қалыптастырады. Жоба волонтерлік қызметтің мақсаты мен міндеттерін түсіндіреді.   

«Сонымен қатар, дайындалып жатқан құжатта волонтерлардың ұстанымдары, құқықтары мен міндеттері,  волонтерлік қызметтің негізгі формалары мен түрлері және оны мемлекеттік реттеу мәселелері көрсетілген»,-деді М.Бегентаев.   

Ботагөз Айтжанова