Қазақстанда босатылған түрде судьяларды тағылымдамадан өткізу мәселесі қарастырылуда

«Барлық судьяларды міндетті түрде Сот төрелігі институтының магистратурасында даярлықтан өтуі тиіс. Осы ретте, Экономикалық ынтымақтастық және даму ұйымының аталған оқу орнының Жоғарғы Сотқа бағынысты болуы туралы ұсынымы қолдауға лайық деп есептелуде. Ұсыным беру институтын, («А» корпусына үміткерлерді іріктеу жүйесі бойынша) мемлекеттік тілді білу деңгейін тестілеу, тапсырмалар (кейстер) енгізу арқылы біліктілік емтиханын жетілдіру, үміткерлердің құқық қолдану бойынша қабілетін бағалау үшін міндетті психологиялық тестілеу енгізу шаралары заңнамалық тұрғыда бекітілетін болады.Қазіргі таңда инвестициялық дауларды шешу бойынша сот ісін жүргізудің жаңа моделін құру мәселелері пысықталуда», - деді А.Рахматулин.

Оның айтуынша, сот  үрдісін тиімді ете түсу үшін сот жұмысын зерттеу қажет.

«Аудандық сот судьясының лауазымдық жалақысының 70% көлеміндегі еңбекақысын төлей отырып, босатылған негізде судьялардың тағылымдамадан өту жүйесін енгізу мәселесі қарастырылуда.Бұған қоса, сот төрелігін одан әрі мамандандыру мақсатында инвесторлардың және Астана өңірлік қаржы орталығы қатысушыларының қатысуымен дауларды қарастыратын облыстық сотқа теңестірілген мәртебеге ие Мамандандырылған инвестициялық сот құру мәселесі зерделенуде», - деді ол.

Индира Қауметова