Ақтауда ҰОС ардагеріне арналған естелік тақта орнатылды
12 Мамыр, 2015 20:08
Ақтауда ҰОС ардагері Р.Құлжігітовке арналған естелік тақта орнатылды, деп хабарлады қалалық әкімдік.
Ақтауда 27 шағын аудан 44 үйдің жанында Ұлы Отан соғысының ардагері, құқық қорғау саласында ұзақ жылдар еңбек еткен Құлжігітов Рахымберген Балжігітұлына арналған естелік тақтаның ашылу салтанаты өтті.
Р.Құлжігітов тұрған бұл үйге жауынгердің есімін мәңгі есте сақтау мақсатындағы естелік тақтаны салтанатты ашу рәсімі барысында Ақтау қаласының әкімі Е.Жаңбыршин, МО Ішкі істер департаменті ардагерлер кеңесінің төрағасы Н.Жариев, Рахымберген Балжігітұлының туысы А.Өтесінов жылы лебіздерін білдіріп, марқұмның өмір жолдарынан мысалдар келтіріп, тұлғалық болмысын еске алды.
