• Басты
  • Қарағандыда 156 адам жұмыспен қамтылу үшін жолдама алды

Қарағандыда 156 адам жұмыспен қамтылу үшін жолдама алды

13 Мамыр, 2015 09:07
Қарағандыда «Қарағанды қаласының жұмыспен қамту және әлеуметтік бағдарламалар бөлімі» мемлекеттік мекемесінің ғимаратында «Кедергісіз келешек» бағдарламасының аясында мүмкіндігі шектеулі азаматтар үшін бос жұмыс орындарының жәрмеңкесі ұйымдастырылды.

Шараның мақсаты – жұмыс берушілер мен жұмыссыз азаматтардың арасында қарым-қатынас орнату болатын. Осылайша, қаланың 125 кәсіпорнынан 1116 бос жұмыс орны ұсынылды. Таратылған ақпараттар бойынша, 15 жұмыс беруші аталмыш шараға тікелей қатысып, жұмыс  іздеушілермен инженер, геодезист, энергетик, прораб, дәрігер, экономист, заңгер, темір желімдеуші, электрожөндеуші, темір жонушы, автокран жүргізушісі, насос құрылғыларының машинисі сияқты өзге де бірқатар мамандықтар бойынша кеңесу жүргізді.   

Жәрмеңкенің нәтижелері бойынша, жұмыспен қамту жолдамасын 156 адам алды, 35 адам түйіндемелерін тастап, жұмыс берішулердің кадр резервтеріне енгізілді, 13 адам біліктілігін жетілдіру курсына жазылды, 17 адам заңгердің кеңесін алды.  

Қала әкімдігінің мәліметтерінше, жәрмеңкеге мүгедек, балалар үйлерінің тәрбиеленушілері мен жетім балалар, бас бостандығынан айыру орындарынан келген, 50 жастан асқан азаматтар, 29-жасқа дейінгі жастар сияқты мақсатты топтарға кіретін азаматар қатысты. Шарада «Жастар тәжірибесі» бағдарламасы жөніндегі, әлеумттік жұмыс орындары, кәсіби білім беру сияқты мәселелер бойынша  ақпараттары бар парақшалар таратылды.

 

Барлық жаңалықтар