Таразда Ұлы Отан соғысының 13 ардагеріне пәтер кілттері табысталды
«Тараз қаласында 3675 зейнеткер болса оның 167-сі соғыс ардагері. Тараз қаласының әкімі Бекболат Орынбеков 13 ардагерді баспаналы болуымен құттықтап, әрқайсысына пәтер кілттерін табыс етті. Өз кезегінде ардагерлер де мемлекет қамқорлығын сезініп жатқандығын айтып, алғыстарын білдірді», - деп хабарламада нақтыланған.
Ұлы Отан соғысы ардагерлеріне деген мемлекеттің қамқорлығы ешқашан толастамауға тиіс. Осы орайда облысымызда аталған санаттағы ардагерлер де сый- құрметтен тысқары қалған жоқ. Мәселен, Олардың қоғамдық көліктерде тегін жүруі қамтамасыз етіліп, коммуналдық шығындарына жеңілдіктер жасалып, шипажайларда емделуге жолдамалар беріліп, демеушілік көмектер көрсетіліп тұрады.
Сондай-ақ, 2011 жылы - 24, өткен жылы жеті ардагер пәтермен қамтамасыз етілді.
