АЭФ аясында «ақылды» навигация құрылатын болады - Әсет Ерғалиев

«Біз жоғары технологиялық деңгейге көтеріліп отырмыз. Биылғы жылы форум алғаш рет «ақылды» навигацияны қолданумен ұйымдастырылуда. Жақын арада ұтқыр қосымша пайда болады және ол форум қатысушыларына тек Бейібітшілік пен келісім сарайына ғана емес, Астанаға деген көзқарас кеңістігін қамтамасыз етеді»,-деді Ә.Ерғалиев.   

Оның сөзінше, аталған ұтқыр қосымшаны пайдалана отырып, форум қатысушысы өзінің бағдарламасын оп-оңай-ақ қалыптастыра алады.   

«Қатысушы өзі қалаған сессияны таңдай алады, оған ол үшін алдын ала 15 минут беріліп, 15 минутта аталған сессияның басталғаны туралы немесе бағдарламаның тәртібінің өзгергені туралы ескерту  келеді. Ал, қаланы толықтай алып қарастыратын болсақ, қосымшада форумға қатысушының өзі болған қаланың бөліктеріндегі ғимараттар туралы мәліметтер болады»,-деді Басқарма төрағасының орынбасары.  

Естеріңізге сала кетейік, 21-22 мамыр аралығында елордада Астана экономикалық форумы өтеді. Ол өзара ынтымақтастыққа, инвестицияларды тарту ісіне демеу болуға, әлеуметтік саланы дамыту мен инновацияларды енгізуге бағытталған.   

Анар Тәңірқұлова