Ақмола облысында ҰОС ардагері Қ.Әбденовтың құрметіне мемориалды тақта ашылды

12 Мамыр, 2015 10:56

Ақмола облысында ҰОС ардагері Құжат Әбденовтың құрметіне арналған мемориалды тақтаның салтанатты ашылуы өтті, ол ардагер тұрған үйдің қасынан бой көтерді. Жалпы, ҰОС ардагері Қ.Әбденов ІІІ дәрежедегі Даңқ, Қызыл Жұлдыз, І және ІІІ дәрежедегі Отан соғысы ордендерінің кавалері, деп хабарлады «Ақмола Медиа Орталығы».

«Астрахан ауданында ІІІ дәрежедегі Даңқ, Қызыл Жұлдыз, І және ІІІ дәрежедегі Отан соғыс ордендерінің кавалері, ҰОС ардагері, еңбек ардагері Құжат Әбденовтың құрметіне мемориалды тақтаның салтанатты ашылуы өтті», - делінген хабарламада.

Ол белоруссиялық қала Бобруйскке барар жолда жаудың бес пулеметті нүктесін анықтап, командирге дер кезінде хабарлаған. Құжат сан рет барлауға барған, сол кездерде ол жаудың қорғаныс нүктелерін анықтап, хабарлап отырған. Бірде ол 18 автоматшының көзін жойған.

Польшадағы фашистік басқыншылармен соғыста ол, жаудын он есе күштілігіне қарамастан өзінің майдангерлерімен бірге шайқасып, ауыр жарақат алады. Соған қарамастан ол 23 фашист жауынгері мен бір офицердің көзін жойып, тағы екі фашистті тұтқынға алады.

Мемориалды тақтаның ашылу салтанатына аудан әкімі Талғат Ерсейітов, аудандық ардагерлер кеңесінің төрағасы Сағынай Сейітжанов, ҰОС ардагері Александр Кошкин қатысып, сөз сөйледі. Сондай-ақ, қатысушылар мемориалды тақтаға гүл шоқтарын қойып, Құжат Әбденовке қоғамның көрсеткен құрметіне алғыс білдірді.

Барлық жаңалықтар