Әлемнің 23 елінің мамандары Астанадағы Ядролық медицина бойынша І Орталық-Азиялық форумына қатысады

Денсаулық сақтау және әлеуметтік даму министрлігінде хабарлағандай, форумда ядролық медицина саласындағы жаңаша әзірлемелер таныстырылады. «Форумның басты мақсаты – қарым-қатынас алаңын тудыру. Бұл жерде ядролық медицина саласындағы үздік жеткізушілердің директорлары мен топ-менеджерлерінің тақырыптық пікірталастары өтеді», - делінген хабарламада.

Форумда ядролық медицина саласындағы ең озық әзірлемелер ұсынылады. Жиынға әлемнің 23 елінен онкологиялық ғылым және тәжірибе саласының мамандары және көрнекті ғалымдар қатысады.   

Форум денсаулық сақтау, медициналық көмектің сапасын арттыруға бағытталған  ұлттық жобалардың жүзеге асырылуына мүмкіндік береді.